ගීත

හෙළ ජාතික අභිමානේ
වැදු විරුවන් සේ පොරණේ
දිනු මවුබිම සවුසිරියෙන් සරසවු
පිබිදෙවු පිබිදෙවු සැරසෙවු

වීර විකුම් පෑ පෙර දරුවෝ
දෙස රැස මුරකෙරුවෝ
ඒ ලෙය ඇති ඔබ සුර විරුවෝ
නොම වවු ණය කරුවෝ

දැය දිනුමට පැද යන නැවියා
ගොවියා බිම දෙවියා
විපතෙහි සැපතෙහි
නොසැළෙයි නොතැවෙයි
අටලෝ දම හුරු හෙළයා

මුහුදට ඈදෙන මහ ගංගා - කුඹුරට යළි හරවා
ධාණ්‍ය වගාකොට සිරිලක මේ
පෙරදිග කෙත කරවා
අරපිරිමැස්මට පුරුදුවෙලා - බිඳලවු දුක සංකා
පැරකුම් යුගයක් නැවත්ත අරඹවු
නිජ භූමි තලේ ලංකා

පද රචනය : කරුණාරත්න අබේසේකර මහතා
ගායනය : සී. ටී. ප්‍රනාන්දු මහතා