දවසේ දැනමුතු

වර්ෂ 1917 දෙසැම්බර් මස 16 වන දින එංගලන්තයේ සමර්සෙට්හිදී උපත ලැබූ ආතර් සී. ක්ලාක් මහතා ලෝක තාරකා විද්‍යා ක්ෂේත්‍රයට ඉමහත් සේවයක් සිදුකළ පුද්ගලයෙක් විය. වර්ෂ 1956 දී ශ්‍රී ලංකාවට පැමිණි මෙතුමා එතැන් පටන් ශ්‍රී ලංකාවේ වාසය කරමින් ශ්‍රී ලංකාවට මෙන්ම ලෝකයටද සිදු කල මෙහෙය ඇති විශිෂ්ඨ වේ. එතුමා අනාගතය දුටු විද්‍යා ප්‍රබන්ධ රචකයෙකු විය. එතුමා විසින් අනාගතය පිළිබඳව රචනා කල කෘතීන් රැසක් වූ අතර ඒවායේ අන්තර්ගත වූ කරුණු බොහොමයක් සත්‍ය වූ බව අදටත් පෙනී යයි.
ආතර් සී. ක්ලාක් මහතා විසින් ඉදිරිපත් කරන ලද භූ ස්ථාවර සන්නිවේදන චන්ද්‍රිකාවන් පිලිබඳ සංකල්පය ලෝක ඉතිහාසයේ සන්නිවේදන තාක්ෂණය උඩුයටිකුරු කළ සන්ධිස්ථානයක් බවට පත්විය. වර්තමානය වන විට අපහට ඉතා පහසුවෙන් ලොව පුරා ක්ෂණයකින් පණිවුඩ හුවමාරු කරගැනීමේ හැකියාව ලබා දුන් මෙම ශ්‍රේෂ්ඨ පුද්ගලයා වර්ෂ 2008 මාර්තු මස 19 වන දින අප රටේදීම අවසන් හුස්ම හෙළුවේය.