ගීත

තැන තැන රවුමට ඉඳගෙන ඉද හිට එබිකම් කර කර//
ලේන්සු හංගන්න ළමයි
එක් රොක් වෙන්නා
රවුම වටේ යනවිට
කවි පද කියවෙන්නා
කොප්පර කොප්පර පිපීඤ්ඤා පස්ස බැලුවොත් දෙසාඤ්ඤා//

පැණි මොර මල් පිපුණු රෑට කජු පුහුලන් ඉදුණු දාට//
පුංචි අපේ සිත් තුල සතුටක් මතුවෙන්නා
එවන් අසිරි සිරි දුටු සිත් පිනින් පිරෙන්නා
කොප්පර කොප්පර පිපීඤ්ඤා පස්ස බැලුවොත් දෙසාඤ්ඤා//

කුන්ඩු පැනලා දිනුවෙත් අපි වච්චි කියල දිව්වෙත් අපි//
හරිම වැඩේ අද දරුවන් ඒවා නොදන්නා
වෛවාරණ සෙල්ලම් බඩු ගමට අවිල්ලා
කොප්පර කොප්පර පිපීඤ්ඤා පස්ස බැලුවොත් දෙසාඤ්ඤා//

තැන තැන රවුමට ඉඳගෙන ඉද හිට එබිකම් කර කර//
ලේන්සු හංගන්න ළමයි
එක් රොක් වෙන්නා
රවුම වටේ යනවිට
කවි පද කියවෙන්නා
කොප්පර කොප්පර පිපීඤ්ඤා පස්ස බැලුවොත් දෙසාඤ්ඤා//