බානෙන් බැඳ රජරට පෙදෙසින්නේ
| බානෙන් බැඳ රජරට පෙදෙසින්නේ කෝච්චියේ හිරගෙයි ලැග එන්නේ පිහියේ මුවහත ගෙල සිඹ ගන්නේ උදයෙම මේ කය නිසසල වන්නේ ඇගේ කිරෙන් බෝධිය දෝවන්නේ උගෙන් මැඩූ බැත දනට පුදන්නේ// උන්ගෙම හම බෙර හඬට බඳින්නේ උන් බැඳි ගැල් නැග පන්සල් යන්නේ බානෙන් බැඳ රජරට පෙදෙසින්නේ... කිරි රස දන්නෝ මව් හඳුනන්නෝ බත් රස දන්නෝ කෙත් හඳුනන්නෝ// බත් සහ කිරි රස දෙකම නොදන්නෝ මිනිසත් බව ලැබ කුමට උපන්නෝ ලේ කිරි අයිතිය වහු පැටියන්නේ දම් සක්වල ගල වැදී බිඳෙන්නේ ඒ කිරි උදුරා බිව් මිනිසුන්නේ හිත් වල ඇයි කළ ගුණ නොරැඳෙන්නේ/// ගායනය : සුනිල් එදිරිසිංහ මහතා පදරචනය : ප්‍රේමකීර්ති ද අල්විස් මහතා සංගීතය : වික්ටර් රත්නායක මහතා |
 |
|
අවසන් වරට නවීකරණය කරන ලද: සඳුදා, 6 දෙසැම්බර් 2021, 7:08 ප.ව.