කවි නිර්මාණ

ලිපිය සැකසීම :

freedem

 

නිදහස

 

ඈත කඳු පෙළ සිප එන

මඳ සුළඟ

දඟකාරකම් කරන මගේ ගත

වැදෙත්ම

දැනුනි සුවයක් විඩාබර මගේ

ගතට

නිදහසේ සිතිවිලි අවදි කර

හිනහෙන්න

ආයෙත් වරක්

නිල්වන් ගොයම් පෙළ

අතර

නිදහසේ සුවය සිතු සේ

විඳින්නට

යහළුවනි ඇරයුම්

දඟකාරකම් කරන්නට

නිමල සඳ පායන්න

තවත් එක් නිමේෂයක් ඇත

පැමිණෙන්න මා සමඟ දුව

පැන නටන්නට

පෙර සේම

වෙල නියර අතරින් දුව පැන නටන්නට

මා සමඟ රැඳුන ඒ සොඳුරු

මිතුරන්

අද කොහිද?

පොත පතින් කියා දුන්

සිදාදිය සොයාගෙන අප

සැවොම

නික්ම ගොස්

අතීතය මතකයන් තුරුලුකර

ගම්මානයේ රැඳි නිදහස

සිහිනයක් කරගෙන...

 

සැකසුම: එච්.ආර්. සෙනුරි ඉරක්ෂි

11-C

ඥානෝදය මහා විද්‍යාලය



මට තාම මතකයි.....

මා වැනි සහෝදරයන් සමගම

එදා අප වෙල් ඉපනැලි තුළ ,

කළා වූ සෙල්ලම......

අදටත් මට මතකයි....

සොඳුරු වෙල් ඉපනැල්ලේ,

නටපු නැටුම්,

වයපු වැයුම්

අදත් මතකයි

එලෙසින්ම.........

පුංචි දඟකාරකම් මැද

ඒ ලැබුවා වූ සොඳුරුබව,

ජීවන මාවත තුළ

අනාගත තෝතැන්නට...

එකමුතුකමින් පෙරමං

තැනුවා...

තවමත් මට මතකයි

සුන්දරයි ඒ අතීතය......

අද නැත මට එවන් දවසක්,

අතීතය දෙස හැරී බලනා විට

විඳින්නට අද ඇත්තේ......

ඒ නැවුම් සමයේ

සොඳුරු මතකයන් පමණි

මට තාම මතක....

 

ඩී.එම්.ශෙහානි කෝෂිලා

           13 D

ක/ඥානෝදය මහා විද්‍යාලය -කළුතර

 

 

සුන්දර වෙල් ඉපනැල්ල



සොඳුරු ලොවට හිරු එළිය වැනී

ලොවට පහස නිල් අහස වැනී

මිතුරන් හා කෙළිදෙලෙන් රැඳී

දසතම හිනැහෙන කැකුළු වැනී



හසරැල්ලෙන් පිරි ජීවිතයේ

කඳුළින් වෙන්වුණු යෞවනයේ

දිවිය සිනහවෙන් ඉපිලෙන්නේ

සාමය සමගිය පොබයන්නේ

 

පන්දුවටයි සැමගේ නෙත ගත

පහරට ලක්වෙයි ටිකින් ටික

වැටි වැටි නැගිටී එක්ව සැම

සතුට රජ කරයි සැමගෙ ලොව



ගම්මානෙක තව තැන්ද නැතී

ළමා පෙළට සුර පුරය වැනී

සිනහව මුවගෙහි ඉපිල යතී

සුන්දර වෙල් ඉපනැල්ල ඇතී



සැකසුම: W.කසුනි මදාරා

10 ශ්‍රේණිය C

ක/ඥානෝදය මහා විද්‍යාලය-කළුතර

 

2330 වරක් කියවා ඇත.
ict_branch නිර්මාණය :
තොරතුරු හා සන්නිවේදන තාක්ෂණ ශාඛාව, අධ්‍යාපන අමාත්‍යාංශය, ශ්‍රී ලංකාව
පිටු පෙළගැස්ම | වියාචනය | පරිපාලක පිවිසුම
කතු හිමිකම © 2012-2016 | තොරතුරු හා සන්නිවේදන තාක්ෂණ ශාඛාව, අධ්‍යාපන අමාත්‍යාංශය, ශ්‍රී ලංකාව
මෙම පද්ධතියේ ඇති සියලුම අන්තර්ගතයන් සඳහා හිමිකම් ඇවිරිණි.
කිසිදු අන්තර්ගතයක් ලිඛිත අවසරයකින් තොරව වෙනත් වෙබ් පිටුවක හෝ වෙනත් කුමන ආකාරයක හෝ සමාජ ජාල වෙබ් අඩවිවල උපුටා පළ කිරීම සපුරා තහනම් වේ.