චන්දන ඇල්ලෙන් නාලා.....

චන්දන ඇල්ලෙන් නාලා
අංජන මල් මී ගාලා
හැංගුණ බඹරා ආවා
ලස්සන රහසක් කීවා

මලට මුවා වී ඉන්නේ
මල් පෙති යට සැඟවෙන්නේ
හදකට තුරුළු ව ඉන්නේ
ලෝකය නෑ එය දන්නේ

චන්දන ඇල්ලෙන් නාලා...

දහසක් නෙත් යොමු වන්නේ
එනමුදු නෑ හඳුනන්නේ
ඇසිපිය යට සැඟවෙන්නේ
සිහින ලොවේ හමු වන්නේ

චන්දන ඇල්ලෙන් නාලා....

එක කුසුමකි පිබිදෙන්නේ
එක වන බඹරෙකි ඉන්නේ
දෙබරුන් සේනා එන්නේ
වෙනසක් නෑ සිදුවන්නේ

චන්දන ඇල්ලෙන් නාලා....


චිත්‍රපටය – සුජීවා
ගී පද - ධර්මසිරි ගමගේ
ගී තනුව - ගලගෙදර එම්. එම්. ඒ. හක්
ගායනය - එච්.ආර්. ජෝතිපාල


ict_branch නිර්මාණය :
තොරතුරු හා සන්නිවේදන තාක්ෂණ ශාඛාව, අධ්‍යාපන අමාත්‍යාංශය, ශ්‍රී ලංකාව
පිටු පෙළගැස්ම | වියාචනය | පරිපාලක පිවිසුම
කතු හිමිකම © 2012-2016 | තොරතුරු හා සන්නිවේදන තාක්ෂණ ශාඛාව, අධ්‍යාපන අමාත්‍යාංශය, ශ්‍රී ලංකාව
මෙම පද්ධතියේ ඇති සියලුම අන්තර්ගතයන් සඳහා හිමිකම් ඇවිරිණි.
කිසිදු අන්තර්ගතයක් ලිඛිත අවසරයකින් තොරව වෙනත් වෙබ් පිටුවක හෝ වෙනත් කුමන ආකාරයක හෝ සමාජ ජාල වෙබ් අඩවිවල උපුටා පළ කිරීම සපුරා තහනම් වේ.