මොකක්ද මේ රාස්ප්බෙරි පී.අයි(Raspberry Pi)

ලිපිය සැකසීම :

                                                                                                     rasberylogo

Raspberry Pi යනු අඩු වියදමකින් යුතු, ක්‍රෙඩිට් කාඩ් එකක ප්‍රමාණයේ පරිගණකයක්. මෙය එක්සත් රාජධානියේ රාස්ප්බෙරි පී.අයි පදනම මගින් නිපදවා ඇති අතර නිපදවීමේ අරමුණ වී ඇත්තේ පාසල්වල සහ සංවර්ධනය වෙමින් පවතින රටවල පරිගණක විද්‍යාව ඉගැන්වීමට අනුග්‍රහ දැක්වීමයි. මෙය නිපදවීම සමඟ ඇත්තේ අධ්‍යාපනික අරමුණු වීමත් එය එක්සත් රාජධානියේ අධ්‍යාපනික පුණ්‍යාතනයක් යටතේ ලියාපදිංචි (ලියාපදිංචි අංක 1129409) කර තිබීමත් මෙහි ඇති තවත් විශේෂත්වයක්.

 

අද වන විට රාස්ප්බෙරි පී.අයි මාදිලි කිහිපයක් වෙළඳපොළට නිකුත් වී තිබුණ ද, මුල්ම රාස්ප්බෙරි පී.අයි පරිගණකය ලෙස 2012 පෙබරවාරි මාසයේ දී B+ මාදිලිය $35ක් වැනි මිලකට වෙළඳපොළට නිකුත් විය. ඉන් අනතුරුව 2015 පෙබරවාරි මාසයේ B මාදිලියත්, 2015 නොවැම්බර් මාසයේ රාස්ප්බෙරි පී.අයි සීරෝ මාදිලියත් වෙළඳපොළට පැමිණුනි.

                                                    rasberymodelB 

මෙම කුඩා පරිගණකය පරිගණක තිරයකට හෝ රූපවාහිනී යන්ත්‍රයකට සම්බන්ධ කිරීමෙන් ප්‍රතිදානය ලබා ගැනීමට හැකිය. එමෙන්ම සාමාන්‍ය යතුරුපුවරුවක් සහ මූසිකයක් භාවිත කිරීමේ හැකියාව ඇත. USB කෙවෙනි කිහිපයක් ඇති මෙම කුඩා උපකරණයෙන් ඩෙස්ක්ටොප් පරිගණකයකින් සිදුකළ හැකි සියලුම ක්‍රියාවන් එනම් පරිගණක භාෂා භාවිතයෙන් පරිගණක වැඩසටහන් සැකසීම(Computer programming), චිත්‍රක නිර්මාණ(Graphic designing), පින්තූර සංස්කරණය(photo editing), ගණිතමය හා බැංකු කටයුතු, වීඩියෝ නිර්මාණ, ප්‍රමිතියෙන් වැඩි වීඩියෝ නැරඹීම(high definition video), පරිගණක ක්‍රීඩා.,අන්තර්ජාලයේ සැරිසැරීම..... ආදි වූ කටයුතු සිදුකළ හැකිය.

 

B+ මාදිලියේ සහ රාස්ප්බෙරි පී.අයි සීරෝ මාදිලියේ ප්‍රමුඛ පරිගණක මෙහෙයුම් පද්ධතිය Linux වන අතර B මාදිලියේ Windows 10 ද ක්‍රියාත්මක වේ. මෙහි ප්‍රාථමික මතකය 512MB සිට 1GB දක්වා පවතින අතර ද්වියිතික ආචයන ධාරිතාව 4GB පමණ වේ. මෙම පරිගණකයේ භාවිත කළ හැකි ප්‍රධාන පරිගණක භාෂාව ලෙස මෙවලම් ලබා දී ඇත්තේ Python සඳහා වන අතර එයට අමතර ව Java, C, C++ වැනි වෙනත් ඕනෑම පරිගණක වැඩසටහන් භාෂාවක් භාවිතා කළ හැකිය.

                                                     rasberymodelzero

 

                                     rasbery  modelA rasberycase

 

            

සැකසුම- පී.එම්.කේ.මන්තානි ගුණසේකර, ර/බටුගෙදර මහා විද්‍යාලය, රත්නපුර

3896 වරක් කියවා ඇත.
ict_branch නිර්මාණය :
තොරතුරු හා සන්නිවේදන තාක්ෂණ ශාඛාව, අධ්‍යාපන අමාත්‍යාංශය, ශ්‍රී ලංකාව
පිටු පෙළගැස්ම | වියාචනය | පරිපාලක පිවිසුම
කතු හිමිකම © 2012-2016 | තොරතුරු හා සන්නිවේදන තාක්ෂණ ශාඛාව, අධ්‍යාපන අමාත්‍යාංශය, ශ්‍රී ලංකාව
මෙම පද්ධතියේ ඇති සියලුම අන්තර්ගතයන් සඳහා හිමිකම් ඇවිරිණි.
කිසිදු අන්තර්ගතයක් ලිඛිත අවසරයකින් තොරව වෙනත් වෙබ් පිටුවක හෝ වෙනත් කුමන ආකාරයක හෝ සමාජ ජාල වෙබ් අඩවිවල උපුටා පළ කිරීම සපුරා තහනම් වේ.